ជនជាតិម្នាក់ ត្រូវបានកម្លាំងនគរបាលខណ្ឌដូនពេញឃាត់ខ្លួន និងដូកហូតថ្នាំញៀន ជាង៦គីឡូក្រាម
04-June-2019 | ដោយ ពលមនសិការ
ភ្នំពេញ៖ ជនជាតិម្នាក់ត្រូវបានកម្លាំងនគរបាលខណ្ឌដូនពេញឃាត់ខ្លួនក្រោយបង្កគ្រោះថ្នាក់ចរាចរណ៍បើករថយន្តស៊េរីទំនើបបុករ៉ឺម៉កកង់បី ក្រោយពីឃាត់ខ្លួនជនជាតិដែលបង្កហេតុខាងលើសមត្ថកិច្ច បានត្រួតពិនិត្យ ឃើញនៅក្នុងរថយន្តរបស់ជនបង្ករមានការបូបយួរមួយ ក្នុងនោះមានកញ្ចប់កាហ្វេចំនួន ៦ដុំ ដោយមានការសង្ស័យសមត្ថកិច្ចបានហែកមើលឃើញមានថ្នាំគ្រាប់ពណ៌ទឹកសមុទ្រ រូបតុក្តា សញ្ញាក្បាលខ្មោច ជាច្រើនគ្រាប់ សង្ស័យជាសារធាតុញៀន។ ភ្លាមនោះសមត្ថកិច្ចបានសហការជាមួយការិយាល័យប្រឆាំងគ្រឿងញៀន ដើម្បីធ្វើតេស្ត នឹងជាលទ្ធផលបង្ហាញ ថាជាថ្នាំញៀនប្រភេទ M.A /M.D (អិចស្ត្រាស៊ី) ថ្នាំគ្រវី។ ក្រោយមកសមត្ថកិច្ចបានប្រើប្រាស់វិធានការជំនាញសួរចម្លើយ នឹងពន្លាតដែនសមត្ថកិច្ចបន្តឆែកឆេរដល់លំនៅដ្ឋានជនសង្ស័យស្ថិតនៅខណ្ឌច្បារអំពៅ។ ប៉ុន្តែក្នុងប្រតិបត្តិការបន្តនេះដោយមិនមានលទ្ធផលរុករកឃើញអ្វី នឹងការស្តាប់ចម្លើយសារភាព ជនសង្ស័យមិនបានប្រាប់អំពីបក្ខពួក សមត្ថកិច្ចក៏បានធ្វើកំណត់ហេតុនៃការឆែកឆេរ ព្រមទាំងដកហូតថ្នាំញៀនប្រភេទអិចស្តាស៊ីចំនួន១១,៦៨០គ្រាប់ ទម្ងន់ ៦kg ៥៤១ក្រាម នឹង៣២មីលីក្រាម។
សមត្ថកិច្ចបានឱ្យដឹងថាករណីខាងលើបានកើតឡើងកាលពីរសៀលថ្ងៃទី៣ ខែមិថុនា ឆ្នាំ២០១៩ ស្ថិតនៅចំណុចតាមបណ្តោយផ្លូវ១៥៤ សង្កាត់ផ្សាថ្មី៣ មុខរោងកុនលុច្ស។
សមត្ថកិច្ចបានឱ្យដឹងថា មានករណីគ្រោះថ្នាក់ចរាចរណ៍មួយកើតឡើង បង្ករឡើងដោយរថយន្តម៉ាក LEXUS ពណ៌ខ្មៅ ស្លាកលេខ ភ្នំពេញ 2AW-4332 បានបើកទៅបុកម៉ូតូកង់បី(តុតុ)មួយគ្រឿង បណ្តាលអោយមានរបួសធ្ងន់ហើយព្យាយាមបើករត់គេច ភ្លាមនោះកម្លាំងសមត្ថកិច្ចបានអន្តរាគមន៍ភ្លាមៗ ដោយបានឃាត់ខ្លួនជនបង្ករជាជនជាតិចិន ឈ្មោះ អៅ មីង ភេទប្រុស អាយុ៣០ឆ្នាំ ព្រមទាំងរថយន្តផងដែរ។ បច្ចុប្បន្នសមត្ថកិច្ចកំពុងជំរុញនូវវិធានការជំនាញសួរចម្លើយ ដើម្បីបន្តយកបក្ខពួក នឹងវត្ថុតាងបន្ថែមទៀត ៕
ចំនួនអ្នកទស្សនា
- ថ្ងៃនេះ3701
- ម្សិលមិញ12101
- សប្តាហ៍នេះ15811
- ខែនេះ130961
- ឆ្នាំនេះ130961
- សរុប20573417